ఎజ్రా, నెహెమ్యా గ్రంథాలు వాటిలోని ప్రధానపాత్రలు పోషించిన వ్యక్తుల పేర్లనే తమ శీర్షికలుగా కలిగి ఉన్నాయి. క్రీ.శ. మూడవ శతాబ్దం వరకు ఎజ్రా, నెహెమ్యా గ్రంథాలు రెండూ కలిసి ఒకే గ్రంథంగా ఉండేవి. ఒక గ్రంథంలో ఉన్న సమాచారం రెండోదానిలో కూడా ఉంటూ అవి రెండూ ఒకదానిని ఒకటి సంపూర్తి చేసుకొనేవి. ఓరిగెన్‌ వెంబడి జెరోము చేసిన బైబిలు లాటిన్‌ అనువాదమైన వల్గేట్‌ ప్రభావంతో ఆ ఒకే గ్రంథాన్ని క్రైస్తవ సమాజం ఎజ్రా, నెహెమ్యా అనే రెండు వేరు వేరు గ్రంథాలుగా విభజించింది. అదే యూదా సమాజంలో అయితే పదిహేనో శతాబ్దంలో హెబ్రీ బైబిలు ముద్రణలోకి వచ్చే వరకు అవి రెండు గ్రంథాలుగా వేరు చేయబడలేదు. హెబ్రీ బైబిల్లో ఎజ్రా-నెహెమ్యా గ్రంథం కేనన్‌లో మూడవ విభాగంలో ఉపభాగంగా ఉండేది. దీనినే వ్రాతలు (హెబ్రీ. కెటువిమ్‌) అని పిలిచేవారు.
Read More
గ్రంథ రచనాకాలం నాటి పరిస్థితులు
గ్రంథకర్త: ఎజ్రా-నెహెమ్యా గ్రంథాల రచయితలు ఎవరో తెలియదు. ప్రాచీన యూదా వర్గాల సమాచారం ప్రకారం వీటి గ్రంథకర్తృత్వాన్ని ఎజ్రాకు ఆపాదించారు. 1,2 దినవృత్తాంతాల గ్రంథాలు రాసిన వ్యక్తి దీనిని కూడా రాసి ఉండవచ్చు అని ఒక అభిప్రాయం. ఎజ్రా, నెహెమ్యా గ్రంథాలు వాటి ఉపోద్ధాతంలో దినవృత్తాంత గ్రంథాల కొనసాగింపులాగా కనిపిస్తాయి (ఎజ్రా 1:1-2Ñ 2దిన 36:22,23). వాటి భాష, పదజాలం, అంశాలు, దృక్పథాలలో కూడా వాటిమధ్య పోలికలు కనిపిస్తాయి.
నేపథ్యం: ఎజ్రా-నెహెమ్యా గ్రంథం నెహెమ్యా పరిచర్య ముగిసిన వెంటనే రాయబడినట్టు భావించడం సమంజసం. ఇది సుమారుగా క్రీ.పూ.400 కి ముందే రాసి ఉండవచ్చనిపిస్తుంది. ఈ గ్రంథం ప్రకారం ఎజ్రా క్రీ.పూ.458లో, అంటే క్రీ.పూ. 445లో వచ్చిన నెహెమ్యాకంటే 13 సంవత్సరాలు ముందే యెరూషలేముకు వచ్చినట్టు స్పష్టమవుతుంది. ఎజ్రా గురించీ, అతని పరిచర్య, అతని సంస్కరణలను గురించీ నెహెమ్యా ఏమీ ప్రస్తావన చేయలేదు. ఎజ్రా, నెహెమ్యాలు ఇద్దరూ కలిసి కేవలం రెండు వచనాల్లో కలిసి ప్రస్తావించబడ్డారు (నెహెమ్యా 8:9Ñ 12:36). ఇద్దరూ కలిసి ఉన్న ఈ రెండు సంఘటనలు బహు ప్రాముఖ్యమైనవి. నెహెమ్యా 8 అధ్యా.లోని సందర్భం ప్రజలకు ధర్మశాస్త్రాన్ని చదివి వినిపించడమైతే, నెహెమ్యా 12 అధ్యా.లో యెరూషలేము నగర ప్రాకారాన్ని ప్రతిష్టించే సమయంలో దాని చుట్టూ నడిచే ఆనందకరమైన సంఘటనల్లో ఎజ్రా (నెహెమ్యా 12:36), నెహెమ్యా (నెహెమ్యా 12:38)లు ఇద్దరూ కనిపిస్తారు.
గ్రంథ సందేశం, ఉద్దేశం
2దిన వృత్తాంతాలు గ్రంథం ఎక్కడ ముగిసిందో అక్కడి నుండి ఎజ్రా కొనసాగించింది. అత్యంత కీలకమైన చారిత్రక సమాచారం అందించడంతో బాటు ఈ గ్రంథంలో దేవుని ప్రజలకోసం సమృద్ధిjైున సందేశాలను మనం చూడగలం.
దేవుని ప్రజల ఉనికి కొనసాగింపు: ఎజ్రా-నెహెమ్యా గ్రంథంలోని సంఘటనలు ఇశ్రాయేలీయుల్ని చెరకు ముందటి సమాజంతో కలుపుతాయి. చెరనుండి తిరిగి వచ్చే వారికి అది ఒక నిర్గమన అనుభవం. తద్వారా వారు దేవుని విమోచనా ప్రణాళికలో ఇంకా నిలిచే ఉన్నారు. దేవుడు అన్యజాతి నాయకులైన కోరెషు, అర్తహషస్తలను కూడా తన ప్రజల పునరుద్ధరణ కోసం వాడుకున్నాడు.
పరిశుద్ధత: ప్రజలు దేవునితో నిబంధనా సంబంధంలో కొనసాగాలంటే వారు వేరుపడి, సిద్ధాంతాలు, నైతికత్వం, సంప్రదాయాల విషయంలో పవిత్రంగా నిలిచి ఉండాలి. చెరకు ముందు తమ నిబంధనా దేవునితో సంబంధంలో నమ్మకంగా, ఏకమనస్సుతో నిలిచి ఉండడంలో విఫలం చెందడం వలన ఆయన తీర్పుకు లోనయ్యారు. వారు దేవుని కోసం ప్రత్యేకించుకోవాలన్న ఆసక్తి వారిలో నూతనపరచబడినట్టు ఎజ్రా-నెహెమ్యా గ్రంథం పేర్కొన్నది.
లేఖనం: ఇశ్రాయేలు సమాజ జీవనానికీ, వారి కార్యకలాపాలకూ ధర్మశాస్త్రమే కేంద్రకం అని ఎజ్రా, నెహెమ్యాలు పునరుద్ఘాటించారు. ఇశ్రాయేలీయులకు లేఖనాల అధికారం గురించి తెలుసు గాని వాటి బోధలను నిర్లక్ష్యం చేసిన పరిస్థితి నుండి వెనక్కి రమ్మని వారికి పిలుపు ఇవ్వబడిరది. ప్రజలు మోషే రాసిన ధర్మశాస్త్రానుసారం పనిచేసి, వ్యవహరించిన అనేక సందర్భాలను ఈ గ్రంథంలో ఉదహరించారు (ఎజ్రా 3:2, 6:18, నెహెమ్యా 8:14-15, 13:1-3). గ్రంథరూపంలోని తన వాక్కు ద్వారా పని చేస్తున్న దేవుని శక్తికి ఎజ్రా, నెహెమ్యాలు అతి శ్రేష్ఠమైన ఉదాహరణలుగా నిలుస్తాయి.
ఆరాధన: చెరనుండి తిరిగి వచ్చినవారు దేవాలయాన్ని పునర్నిర్మించడానికి ముందు దేవునికి బలులు అర్పించడానికి ఒక బలిపీఠాన్ని నిర్మించారు. ఆరాధనా స్థలం పూర్తి అయిన తరువాత మాత్రమే వారు గోడల నిర్మాణం ప్రారంభించారు. దేవుని ఆరాధన, ఆయనతో సరైన సంబంధం అన్నిటికంటే ముందుంచడం వలన వారు చేసిన పనులన్నీ సక్రమంగా కొనసాగాయి.
ప్రార్థన: ఆరాధనతోబాటు ఈ గ్రంథాల్లో ప్రార్థన సమృద్ధిగా నిండి ఉంది. రెండు సుదీర్ఘమైన ప్రార్థనలు దీనిలో గ్రంథస్థం చేయబడ్డాయి (ఎజ్రా 9, నెహెమ్యా 9). వారు ఏ పనైనా ప్రారంభించే ముందు ప్రార్థన, ఉపవాసాలు జరిపినట్లు పదే పదే కనిపిస్తాయి. ప్రాకార పునర్నిర్మాణం అంతా ప్రార్థనతో ఆవరించబడిరది. నెహెమ్యా గ్రంథమంతటిలోని కార్యాచరణ పూర్తిగా ప్రార్థనతో ముడిపడి ఉంది. ప్రార్థనలో దేవుణ్ణి సమీపించాల్సిన అవసరతను రెండు గ్రంథాలూ గట్టిగా నొక్కి చెప్పాయి.
బైబిల్లో ఈ గ్రంథం పాత్ర
ఎజ్రా, నెహెమ్యా గ్రంథాల్లో జరిగిన సంఘటనలు దేవాలయ పునర్నిర్మాణం, యెరూషలేము నగర స్థిరీకరణ, యూదు సమాజం అభివృద్ధి చెందడం ఇవన్నీ సువార్తల్లో రాయబడిన క్రీస్తు జీవితం, పరిచర్యల్లో కీలకమైన పాత్రలు పోషించాయి. తిరిగి నిర్మించబడిన దేవాలయం సొలొమోను దేవాలయంతో పోలిస్తే తక్కువస్థాయిలో ఉన్నప్పటికీ అది కొన్ని శతాబ్దాల తరువాత క్రీస్తు వచ్చి అసలు ఒక భౌతిక దేవాలయ కట్టడం యొక్క అవసరాన్నే తొలగించే వరకు యూదుల అవసరం తీర్చింది.
గ్రంథ నిర్మాణం
ఎజ్రా-నెహెమ్యా హెబ్రీ, అరమేయిక్‌ అనే దగ్గర సంబంధం కలిగిన, పూర్తిగా వేరైన రెండు భాషల్లో రాయబడిరది. దీనిలోని హెబ్రీ భాగాలు సాధారణంగా అక్కడక్కడా అరమేయిక్‌ భాష ప్రభావం కనిపిస్తూ చెరకు ముందు కాలం నాటి శైలిని ప్రతిబింబిస్తుంటాయి. హెబ్రీ భాషలాగానే కనిపించే మరొక సెమెటిక్‌ భాష అయిన అరమేయిక్‌ ఎజ్రా గ్రంథంలో రెండు భాగాల్లో కనిపిస్తుంది (4:8-6:18, 7:12-26). పర్షియనుల పాలనాకాలంలో (క్రీ.పూ. రమారమి 540 నుండి క్రీ.పూ. 330) వారి పరిపాలన, వాణిజ్య విభాగాల్లో అరమేయిక్‌ అధికారిక భాషగా ఉంది. ఎజ్రా-నెహెమ్యా గ్రంథ కూర్పులో సమూయేలు, రాజులు గ్రంథాలు, మరి ముఖ్యంగా దినవృత్తాంతాలు గ్రంథాలను పోలి ఉండి వాటిలోని మూల సమాచారాన్ని వాడుకున్నది. వీటిలో రెండు రకాల ప్రధానమైన ఆధారాలు ఉన్నాయి. ఎజ్రా-నెహెమ్యా గ్రంథంలోని సమాచారంలో అధికభాగం ఎజ్రా జ్ఞాపకాల వృత్తాంతం, నెహెమ్యా జ్ఞాపకాల వృత్తాంతం నుండి సంగ్రహించబడిరది. ఎజ్రా జ్ఞాపకాల వృత్తాంతం ఎక్కువగా ప్రధమ పురుషలో రాయబడి ఎజ్రా 7-10, నెహెమ్యా 8, బహుశా 9 అధ్యాయాన్ని కూడా కలిగి ఉంది. ఈ జ్ఞాపకాల వృత్తాంతంలో ఎజ్రా ఇతర మూలాలనుండి సేకరించిన జాబితాలు, పట్టికలు ఇమిడి ఉన్నాయి. నెహెమ్యా జ్ఞాపకాల వృత్తాంతంలో అయితే నెహెమ్యా 1-7,11-13 అధ్యాయాలున్నాయి. వీటిలో కూడా నెహెమ్యా జాబితాలను, పట్టికలను కూర్చాడు. ఎజ్రా-నెహెమ్యా గ్రంథం అంతటిలో ఇంకా అనేక జాబితాలు, వంశావళులు, వస్తువుల పట్టికలు, ఉత్తరాలు, జనాభా లెక్కలు కనిపిస్తాయి. క్రీ.పూ.586 లో జరిగిన విధ్వంసం, దానిననునరించి బబులోను చెరలోకి వెళ్ళిన తరువాత తమను తాము పునర్‌వ్యవస్థీకృతం చేసుకుంటున్న ఒక సమాజానికి తమ జీవనాన్ని గ్రంథస్థం చేయడంలో ఈ సమాచారం చాలా ప్రాముఖ్యమైంది.
